DE SERA, DE MATINA, IN OGNI STAGION
CO TI DIXI DE CORARE TI TROVI L’OCASION
TI TIRI FUORA SCARPE, BUFF E NA BRAGHETTA
E VIA FIN ALA DIGA PASSANDO PER LA RIVETTA.
NISSUN NO TE PUOLE, TI TE SENTI FORTE
ANDANDO A PREPARARE GARE SEMPRE PI’ CONTORTE
TI TACHI COI DIESE, PO’ VINTIUN E LE MARATONE
CHE TANTO I TO COMPAGNI A CORARE I TE SPRONE.
TI SFIDI BUORA, CALDANE E MONDO DE PIOVA
PERCHE’ TI A TANTA VOGIA DE METARTE A LA PROVA
FINCHE’ NO RIVE EL GIORNO DELA COMPETISSION
E TI TE BUTTI IN MEZO PIEN DE EMOSSION.
ZENTE DA TUTE LE PARTI, DA OGNI LUOGO I RIVE
TI ZE TUTO UN TREMASSO, TE SCIOPE LE…GENGIVE
ZE GIUNTO CHEL MOMENTO CHE TANTO TI A SPETAO
E ZO CHE TI VA AVANTI CO PASSO CADENSAO.
TI PENSI A TANTE ROBE, TI FILOSOFEZI
MA OGNI TANTO ANCA TE SCAMPE DO PORCHEZI
FINCHE’ TUTO GAJARDO TI GIUNGI ALA META
“ADIO LA ZE FINIA STA GARA MALEDETA”.
“BASTA, LA ZE L’ULTIMA, O FATTO NA FADIGA!”
MA IN CUOR TOO TI SA NO OCORE CHE TE DIGA
CHE GHE NE SARA’ N’ALTRA MAGARI PI’ SFIANCANTE
MA VUOSTU ANCA METARE LA SODISFASION ABONDANTE.
QUINDI CARO PODISTA NO STA A TIRARE INDRIO
PORTA SEMPRE AVANTI STO SPORT BENEDIO
E VARDA SEMPRE OLTRE, COINVOLGI LE PERSONE
CHE STARE FERMI PORTE A L’ABERRAZIONE.
ROMINA BOSCOLO ANZOLETTI
21/03/2023
